Cymro?

Sulwen Richards
Yn Gymry, yn genedl,
yn gyswllt, yn gariad,
yn gangen, yn gryfder,
yn gadwyn, yn gaer.
 
Yn gainc, yn gân,
yn gerdd, yn gynghanedd,
yn grefydd, yn geinder, 
yn gelf, yn genhedlaeth.

Saunders, Becca, Caio,
Llywelyn, T.Llew a Waldo –
oll yn gewri diflino;
tywysogion aberth a mentro.
 
Ond y mae’r sawl amhur hwnnw 
a eilw ei hun yn Gymro,
Yn gachgi, yn gablydd –
dy gydwybod; dy gywilydd.