Gymerwch chi Sigarét?

​Mared Llywelyn
​Ydi cerddi fel sigaréts?
Rhai’n felys-fwyn o fwg y rollies,
Rhai’n freuddwydiol oFalboros?
Yn awdlau mawrion y Classic Cigars,
Neu rai yn nosbarth cynta’
Y Steddfod –Silk Cut?
Mae’n leitar rhad i danio eiliad o ddiddordeb,
A’i adael i fudlosgi
Yna ei fodio rhwng bys a bawd
Ein dychymyg.
Anadlu cystrawennau ei fwg melys
Neu dagu ar gynghanedd ddyrys
A chwythu teimladau llwyd
O grombil yr ysgyfaint
Cyn ei ddarfod.
Yna, gwasgu’r llwch
A gadael dim ond stwmp.